Икона артемия веркольского молитва

Полное собрание и описание: икона артемия веркольского молитва для духовной жизни верующего человека.

Молитва Святого Артемия, Веркольского чудотворца.

Икона святого праведного отрока Артемия, Веркольского чудотворца

Молитва Святого праведного Артемия, Веркольского чудотворца

О, великославный угодниче Божий, о, великий чудотворче, святый и праведный Артемие, херувиме земный, человече небесный, ангелов собеседниче, небесный жителю! Призри с высоты небесныя светлым оком твоим, и низпосли нам лучи Божия благодати.

Светильниче Боговозжженный, твоими святыми молитвами разжени мрак грехов наших, испроси у Отца светов свет благодати душам нашим, всех правоверных скорый быв помощник и заступник.

Всяк бо, с верою под кров защищения твоего молитвенно притекаяй и заступления твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет Дар на пользу прошения.

Ты еси, праведный Артемие, вертоград Богом насажденный, в немже цвет здравотворный процвете, еже исцелятися многим от зельнаго трясавичнаго недуга. О, коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслабленнии в жилах укрепишася, сляченнии исправишася и имущии вреды исцелеша! Еще же и сквернии демони молитвою твоею отогнашася, и инии неисцельнии недузи разрешишася.

Тако, святый и праведный Артемие, всем всегда милостив являешися. Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет.

Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Отцем и со Пресвятым и Благим и Животворящим Духом, ныне и присно и в безконечныя веки веков. Аминь.

Святый угодниче Божий, Артемие праведный, присный хранителю святыя веры Православныя и всего севернаго края Российския страны близкий защитниче! Призри милостивно на усердную молитву нас, грешных, и твоим благомощным предстательством испроси нам у Господа прощение согрешений наших, преспеяние в вере и благочестии и ограждение от козней диавольских. Моли Господа, да хранит во здравии православных христиан, да подаст и всем людем, стране нашей мир, тишину и нелицемерное послушание, да сподобит всех нас получити, по христианстей кончине. Небесное Царствие, идеже вси праведнии, купно с тобою, присно славят Отца и Сына и Святаго Духа. Аминь.

О, великий угодниче Божий, святый праведный Артемие, покровителю святыя обители, твоим именем красующияся и всех православных христиан сильный ходатаю о нас ко Господу, великий благодетелю живущих зде иноков твоея обители и всех с верою и любовию притекающих к раце чудотворных мощей твоих! Призри милостивно на убогую молитву нас, грешных и непотребных рабов, и твоим всемощным предстательством испроси нам у Господа прощение грехов, преспеяние в вере и благочестии и ограждение от козней супостата, ищущаго нас погубити. Даруй братству твоей обители, от старших до последних, смирение и кротость, любовь и послушание вседушное, служение и житие благоговейное, святое и во всем верное и благодушное исполнение иноческаго общежития, да, работающе Господеви непостыдно и духом горяще в непрестанней молитве за благотворителей наших живых и усопших, явимся верными рабами Господа, добре делающими вверяемыя нам таланты!

Моли Господа, да Церковь Православная всея России, яко вертоград благонасажденный, цветет и плодотворит богато плодами веры и благочестия! Моли Господа, да ходатайством и заступлением Преблагословенныя Владычицы нашея Богородицы все мы зде мирное и богоугодное житие поживем и по мирней христианстей кончине сподобимся в Преславнем Царствии милости Царя неба и земли, Отца и Сына и Святаго Духа славяще Его ныне и присно и во веки веков. Аминь.

Пустынный житель и в телеси Ангел и чудотворец показался еси, отче Артемие: постом, бдением, молитвою небесныя дарования приим, исцеляеши недужныя и души верою притекающих к тебе. Слава Давшему тебе крепость, слава Венчавшему тя, слава Действующему тобою всем исцеления.

Вышняго повелением, тученосным облаком, небо помрачившим и молниям блистающим, грому же возшумевшему с прещением, испустил еси душу твою в руце Господеви, премудре Артемие, и ныне предстоиши Престолу Владыки всех, иже верою и любовию приходящим к тебе, подая исцеление всем неотложно и моляся Христу Богу спастися душам нашим.

Возсия днесь пресветлая память премудраго Артемия; Богоданная благодать, яко реки, изливает от целебных мощей его дивная исцеления, имиже от многоразличных недуг избавляемся, с верою приемлюще я и взывающе: радуйся, Артемие Богомудре.

Величаем тя, страстотерпче Христов, Артемие, и чтим святую память твою, ты бо молиши за нас Христа Бога нашего.

Святой великомученик Артемий: житие. Молитва великомученику Артемию

Хвала Господу за то, что он посылал нам таких ярких святых, которые примером своей благочестивой и праведной жизни показали людям великую и спасительную веру во Христа. И что нет более надежной и верной руки, которая всегда готова бедного и немощного человека поддержать и наставить на путь истины. Дальше речь пойдет о двух прославленных в лике святых мужах.

Один из них – Антиохийский Артемий – великомученик, Артемий Веркольский же считается святым праведным отроком, но не великомучеником. Это нужно знать, чтобы потом не путать и правильно обращаться к ним в своих молитвах. Житие их достаточно впечатляет, чтобы ощутить силу их веры и подвига ознакомимся с ним.

Житие великомученика Артемия

Будущий святой Артемий родился в знатном римском роде и принадлежал к сенаторскому сословию. Он был участником сражения императора Константина с императором Максенцием, проходившего у Мульвийского моста в 312 году. В это время на небе вдруг появился Крест надписанный: «Сим побеждай!». Это божественное знамение произвело на воина Артемия огромное впечатление и обратило его в христианство.

Великомученик Артемий был прославленным военачальником во времена правления римских императоров Константина I (306-337 гг.) и его сына Констанция (337-361 гг.). При них он был приближенным советником и доверенным лицом. За верную службу он был награден грамотами и поставлен начальником Египта, наделенным особыми полномочиями. По поручению правителя Констанция, с великими почестями он перевез из Патры в Константинополь мощи святых апостолов Андрея Первозванного и Луки.

Юлиан Отступник

Но после правления императора Констанция на престол взошел Юлиан Отступник (361-363 гг.) – язычник, который стал вести жестокую и непримиримую борьбу с христианством. Повсеместно начались казни, сотни христиан были обречены на мучительную смерть. В Антиохии он приказал подвергнуть пыткам двух епископов, которые не отреклись от веры во Христа. Именно в это время в город пришел Великомученик Артемий, повсеместные казни христиан не смогли его благородное сердце оставить равнодушным. И он в открытую стал обличать правителя Юлиана в бесчестии, жестокости и языческих заблуждениях. Тогда разозлившийся император обвинил его в соучастии в убийстве его старшего брата Галла. Его немедленно арестовали, потом долго жестокого издевались над ним, а после этого заточили в темницу.

Когда святой великомученик Артемий в очередной раз взмолился к своему Господу, к нему явился сам Иисус Христос с ангелами и сказал, что бы тот мужался, так как Он избавит его от всякой боли, которую причинили ему его мучители, и что ему приготовлен венец славы. Ибо как он проповедовал Христа перед народом, то и Он будет исповедовать его пред Отцом Небесным. И добавил Христос, чтобы тот был мужественным и радовался, так как скоро будет с Ним в Царстве Его. И исцелил его, ведь он, израненный пытками, долгое время был без еды и пищи, питаемый только благодатью Святого Духа.

После этого обрадованный таким известием Великомученик Артемий стал горячо славить и благодарить Господа. На другой день его опять привели к Юлиану, чтобы заставить крепкого и славного воина поклониться и принести жертву языческим богам. Но, ничего не добившись, он опять подверг его страшным и мучительным пыткам. Но великий подвижник все страдания переносил без единого крика и стона.

Великомученик Артемий Антиохийский предсказал Юлиану, что того скоро настигнет справедливая кара Божия за то многочисленное зло, которое он причинил христианам. От этих слов император стал еще более лютым и опять приказал пытать верного христианина, но так и не смог сломить его волю.

В это время в Антиохии от ниспавшего с неба огня сгорел языческий храм – святилище Аполлона в Дафни. Юлиан, воспользовавшись случаем, тут же обвинил в этом христиан. А святому Артемию назначил казнь (362 г.). Сначала его придавили камнем, а затем отрубили мечом голову.

Вскоре после этого был поражен и римский правитель. Пророчества святого Артемия сбылись ровно через год. Юлиан с войском, выйдя из Антиохии, пошел воевать с персами. Подойдя к городу Ктесифону, они встретили старого перса, который попросился быть проводником у Юлиана, пообещавший за небольшое вознаграждение предать своих сограждан. Но как потом оказалось, он обманул их и завел воинов в дикую непроходимую Карманитскую пустыню, где не было ни воды, ни пищи. Греко-римские войска голодные и истомленные от жары вступили в вынужденный бой с хорошо подготовленными к встрече силами персов. В битве с персами кавалерийское копье рассекло ему руку, пронзило ребра и застряло в печени. В итоге Юлиан, сраженный невидимою рукою, тяжело застонал и произнес перед смертью слова: «Ты победил, Галилеянин!».

Обретение мощей

После смерти тирана мощи святого великомученика Артемия из Антиохии забрала вместе с христианами диакониса Ариста и отвезла их в Константинополь. В дальнейшем их погребли в храме Святого Иоанна Предтечи, который построил император Анастасий I, после получившем второе название в честь святого великомученика Артемия.

Сегодня имя святого на особом почете в городе Патры. День великомученика Артемия отмечают 20 октября (2 ноября). Его считают покровителем города и основателем обители Пресвятой Богородицы Гирокомиу. В этот день всегда совершается торжественное поминовение, читаются молитвы и акафист великомученику Артемию. От его святых мощей совершаются многочисленные чудеса.

Иконы и молитвы

На иконах Великомученик Артемий традиционно изображается с длинными волосами и раздвоенной короткой бородкой в воинских доспехах и гиматии. Но есть и другие интерпретации.

Молитва великомученику Артемию, начинается со слов: «Святый угодниче Божий, Артемие праведный!». Вторая – «Святой мучениче Артемие!».

Впервые житие святого великомученика и воина Артемия в конце X века описал Иоанн Родосский, затем оно было обработано и дополнено Симеоном Метафрастом. О святом Артемии Антиохийском сообщали и древние византийские историки Аммиан Марцеллин и Филосторгий.

В 1073 году частица его мощей была обретена Киево-Печерским монастырем. Известно также о нахождении святых мощей в кресте-мощевике русского императора Михаила Федоровича, который стал благословением Патриарха Филарета.

Святой Артемий Веркольский

В 1532 году в благочестивой семье поселян Космы (по прозвищу Малый) и Аполлинарии в селе Верколе, возле реки Пинеге Двинского округа появился на свет сын, которого назвали Артемием. Родители воспитывали его в добрых христианских традициях. Он был послушным, кротким и богобоязненным ребенком, который с пяти лет не любил всяких детских шалостей и забав. Он прилежно, насколько мог в своем юном возрасте, помогал своему отцу по хозяйству.

23 июня 1545 года двенадцатилетний Артемий работал с отцом в поле, когда неожиданно рядом сверкнула молния и ударил гром, в это время отрок упал на землю мертвым. Испуганные суеверные крестьяне посчитали это происшествие карой Небесной, и поэтому тело Артемия, прикрытое хворостом и берестой, оставили неотпетым и непогребенным в лесу, называемым Сосония.

Святые мощи

Спустя тридцать с небольшим лет после смерти Артемия в 1577 году диакон Агафоник, служивший в местной церкви святителя Николая Чудотворца, увидел в лесу необычное свечение именно над тем местом, где когда-то были оставлены останки Артемия. Так было обретено нетленное тело святого отрока Артемия, которое народ принес и положил на паперти церкви святого Николая в Верколе. Господь прославил его чудесами, вследствие чего в 1639 году митрополит Киприан послал наказ «тутошнему» духовенству составить очевидные свидетельства, которые в скором времени были доставлены митрополиту. И в следующий год он прислал «сотворенное празднество» – стихиры, литию, стиховну, славники, тропарь, икос, кондак, светилен, хвалины и розпев под знаменем.

Молитвы и чудеса

По молитвам святого Артемия многие больные исцелялись, и особенно те, кто страдал болезнями глаз. Однажды в храм пришел житель Холмогор Иларион, потерявший зрение и совсем отчаявшийся его вернуть. И вот в день святого Николая явился к страдальцу праведный Артемий с крестом в правой руке, в левой – с посохом, осенив крестом больного, сказал ему, что исцелил его Христос рукою раба Своего Артемия. И отправил горожанина идти в Верколу поклониться его гробу и рассказать о случившемся священнику и крестьянам.

Больной выздоровел тотчас. Почитатели святого отрока в 1584 году перенесли его святые мощи с паперти храма в устроенный предел.

Мезенский воевода Пашков Афанасий за исцеление своего больного сына в благодарность святому построил храм в честь святого великомученика Артемия – небесного покровителя святого и праведного отрока. В 1619 году мощи святого были освидетельствованы и 6 декабря перенесены в новый храм, который сгорел через 30 лет, но в 1649 году на месте обретенных мощей при царе Алексее Михайловиче был построен монастырь, куда доставили и мощи.

Есть предание, что у святого отрока была сестра, праведная чудотворица Параскева Пириминская.

Теперь же память святому Артемию совершается 23 июня (день представления) и 20 октября (день памяти тезоиеменного великомученика Артемия).

Икона артемия веркольского молитва

Праведному Артемию, Веркольскому чудотворцу

Икона и Житие Артемия Веркольского

Избранному праведнику, дивному предстателю пред Богом, пресветлому светильнику северныя страны нашея, боголюбивому и боголюбезному отроку Артемию, благодетельными чудотворении утешающему и наставляющему покланяющихся с верою святей раце твоей, благдарственная восписующе, радостно и торжественно взываем: Радуйся, предстателю наш, Артемие праведный.

Ангелский нрав и душу непорочную имея от святыя купели крещения, избегл еси обычных света сего суетств и соблазнов, чужд был еси претыканий и падений, втайне чистым сердцем моляся к Единому Всеблагому Богу милостиво взирающему на кротких и смиренных. Сего ради единогласно вопием ти:

Радуйся, между человеки дивное явление святыни.

Радуйся, Отцу Небесному возлюбленный.

Радуйся, Сыну Божию вожделенный.

Радуйся, Святому Духу сосуде драгий и чистый.

Радуйся, Царицы Небесныя пламенный почитателю.

Радуйся, святым ангелом истинный друже и единонравниче.

Радуйся, праведником святым всем сликовниче.

Радуйся, Церкве Христовой украшение.

Радуйся, делателю благий, в мале верный, над многим поставленый.

Радуйся, вшедый в радость Господа твоего.

Радуйся, носяй венец нетления.

Радуйся, прославленный от Господа Бога дарованием исцелений.

Радуйся, предстателю наш, Артемие праведный.

Видя чистоту сердца твоего благопромыслитель Бог, призирающий всевидящим оком своим на всю тварь, исполни душу твою благодати Своея от чрева матере. Прославляя убо Его дивное и благое о тебе промышление, поем о тебе хвалебно: Аллилуиа.

Вкусив во младости блаженнаго жития твоего сладость Божественныя благодати, чуждый мирския утехи отроков, ты был еси потаенный сердца человек в нетленном украшении кроткаго и молчаливаго духа, еже есть, по Апостолу, пред Богом многоценно. Приими убо от певцев твоих хвалу сию:

Радуйся, смиреннаго и благодатнаго отрочества Христова подражателю.

Радуйся, благодати Божией хранителю.

Радуйся, родителей твоих почитателю.

Радуйся, в дому отчем образ кротости и послушания.

Радуйся, сверстников твоих пример благонравия.

Радуйся, хранителю чистоты сердца.

Радуйся, сокрушения сердечнаго таинниче.

Радуйся, приятное благоухание духовнаго умиления.

Радуйся, не приимший искуса мирских сластей.

Радуйся, от греховный страстей свободу улучивый.

Радуйся, благоговейное отроча, стяжавшее духа страха Божия.

Радуйся, боголюбезное чадо, паче жизни твоя возлюбившее Христа Бога.

Радуйся, предстателю наш, Артемие праведный.

Силою Всесвятаго Духа укрепленный, блаженне Артемие, прияв несокрушимый щит веры, и непобедимое оружие животворящий Крест Христов, знамение страшное для злых духов, сохранил еси себе цела и невредима от злокозненных сих врагов, поя Богу: Аллилуиа.

Имея всегда и во всем упование на Бога промыслителя, и в убогом отчем дому пребывая, в поте лица твоего приобретал еси пропитание; но лишенный земных благ, по воли Божией, явился еси причастником вечных небесных благ, праведне Артемие. Похваляя убо твою нищету, лишения и нужды, приветственно вопием ти:

Радуйся, образе кротости и трудолюбия.

Радуйся, нищету, нас ради обнищавшаго, Христа Бога возлюбивый.

Радуйся, житейских зол непричастный.

Радуйся, грехолюбных корыстей чуждый.

Радуйся, за лишение земное утешенный райскими наслаждении.

Радуйся, за кротость и смирение, наследниче Царствия Небеснаго.

Радуйся, за нужды временныя сподобивыйся изобилия благ вечной нескончаемой радости.

Радуйся, за чистоту сердца, удостоивыйся лицезрети Бога вместе со святыми ангелы.

Радуйся, не прилагавый сердца к благом мира сего непостоянным.

Радуйся, искавый небесных нетленных благ в молитве домашней и церковней, и в общении Таин Христовых.

Радуйся, исполненный Божественныя любве.

Радуйся, причастниче безсмертныя трапезы.

Радуйся, стяжавшый смирением высокая и нищетою богатая, по подражанию святителю Николаю.

Радуйся, храма его в жизни твоей молитвенник бывый.

Радуйся, яко мзду многу приемый от Господа Бога на небесех.

Радуйся, предстателю наш, Артемие праведный.

Буря страстей и треволнений житейских не постиже тя, имеющаго в сердцы твоем мир Божий, вселивыйся богатно в тя, блаженне Артемие; ветри непостоянный учений, не волновали мирной души твоея. Сего ради являя яко Иосиф, мир братии твоей, провел еси дни живота твоего в мире, тишине и безмолвии, и мир Божий, обитаяй в глубине духа твоего, возбуждал пети тя непрестанно Богу: Аллилуиа.

Слушая от закона Божия словеса жизни вечныя, имея помазание от Святаго Духа, ведал еси благим чувством вся, не требуя, да кто учит тя, но яко то само помазание учаше тя о всем, по слову возлюбленнаго ученика Христова; воскрилився же Божественным дарованием отроча младо, вознеслся еси на высоту христианскаго благочестия и кротости, Богу возлюбленне Артемие. Сего ради дивное о тебе смотрение Божие славяще, со дерзновением вопием ти:

Радуйся, спасительнаго внимания себе дивный нам примере.

Радуйся, молчания образе.

Радуйся, мудрости духовныя светлое зерцало.

Радуйся, источниче исцелений.

Радуйся, чудотворче предивный.

Радуйся, сокровище целомудрия.

Радуйся, цвете чистоты и незлобия.

Радуйся, невинности сосуде.

Радуйся, цвете ангельския праведности.

Радуйся, многоценный каменю райския жизни.

Радуйся, сияние небесных светлостей.

Радуйся, предстателю наш, Артемие праведный.

Живоносный ток благодати Христовой восприяв благим и добрым сердцем, праведне Артемие, устремился еси совершенно в след Христа Спасителя нашего, и восхищался богатством благости, премудрости и человеколюбия Божия, явленнаго в искуплении грешнаго человечества, пламенел еси любовию к Спасителю нашему, и во умилении сердца воспевал еси Ему: Аллилуиа.

Видевше купножители твои преспевающа тя благочестием и разумом, праведне Артемие, прославляху благоволение Божие, утаевающее от премудрых и разумных богатство благодати и ведения ея, по слову Спасителя, и открывающее та младенцем. Темже и мы, радующеся написанию имени твоего на небесех, с утешением возносим тебе хвалебныя песни:

Радуйся, избранный сосуде Божия благодати.

Радуйся, приятелище даров Духа Святаго.

Радуйся, исполненный дарования чудес исцелений.

Радуйся, вышния премудрости Божия приемниче.

Радуйся, разума духовнаго сокровище.

Радуйся, благий для нас советниче.

Радуйся, исполненный спасительнаго ведения.

Радуйся, пламеню неугасаяй любве.

Радуйся, всесветлая звездо, блистающая на тверди церковней.

Радуйся, отрадо печалным.

Радуйся, немоществующих врачу.

Радуйся, обуреваемых помощниче.

Радуйся, предстателю наш, Артемие праведный.

Проповедник первый прославленнаго тела твоего, клирик церкви святителя Николаа, ища в лесной чащи плодов земных, обрете сокровище неоцененное, нетленныя мощи твоя, праведне Артемие, чрез тридесять три лета не поврежденныя пременами стихий, и с благодарным чувством преклонь колена, восклицаше к Богу: Аллилуиа.

Возсиял еси в пустыннем месте дебри лесныя, якоже утренняя звезда после мрака нощнаго, и просветил еси скоро население градов, древния Кевроли, Пинеги, Архангельска, Вологды и далеких стран, сиянием благодетельных чудес твоих. И ныне никтоже умолчит вопити тебе:

Радуйся, великое светило, просвещающее тму неведения.

Радуйся, сокровище духовное, верных богатящее.

Радуйся, чистая струе благодати Божия.

Радуйся, стране твоей северной славо и утверждение.

Радуйся, якоже чистый ангел, пояй песни богокрасныя, и руководяй к тому обитель твою.

Радуйся, чистая птице, в гнезда небесная приятая.

Радуйся, яблоко благовонное, верных душы благоухающее.

Радуйся, прекрасная лилие услаждающая сердца верных.

Радуйся, младая ветве райскаго древа, израстившая сладкий плод духовный Пресвятей Троице.

Радуйся, немерцающая луче православнаго учения.

Радуйся, маслино Церкве Христовы, источающая нам дивный елей милости Божией.

Радуйся, виноградная лозо, напаяющая нас отрадным упованием на спасительная обетования.

Радуйся, смоковнице, сладостию своею греховную горечь отражающая.

Радуйся, предстателю наш, Артемие праведный.

Хотящу Всевышнему мироправителю призвати своего праведника в небесныя скинии, манием от престола велелепныя Его славы, возшуме над землею буря, страшно возгремели громи, возблиста и разлияся ужасно, яко пламень, молния, и в прикосновении ужаса ко внутренним чувством юнаго отрока, взята ангелы душа праведника, сретаемая безплотными силами, радующимися о друзе своем, и в веселии воспевшими Богу: Аллилуиа.

Дивно бысть твое призвание в Небесный Иерусалим; от земнаго бо труда на лоно Авраамово, и от малолюднаго места в премирную славу величественно пренесена бысть блаженная душа твоя, праведне Артемие, воздуху шумящу, громом и молниям сверепеющым, и водам от движения ветра, яко руками, плещущым. Темже и мы ликующе, воспоем:

Радуйся, новый о нас к Богу предстателю.

Радуйся, в вечный покров приснодевствующия Царицы вшедый.

Радуйся, ангелом собеседниче.

Радуйся, рая небеснаго жителю.

Радуйся, безстрастия наследниче праведный.

Радуйся, сведетелю нам жизни безсмертныя.

Радуйся, избежавый воздушных истязателей, пораженных стрелами молний при твоем отшествии на небо.

Радуйся, не узревший мерзких демонских зраков.

Радуйся, райская ветве, благоуханием веселящая.

Радуйся, благовонная едемская розо, душы нашя благоухающая.

Радуйся, прекрасный грозде, на трапезе царевой положенный.

Радуйся, теплый наш молитвенниче.

Радуйся, предстателю наш, Артемие праведный.

Странно и недоуменно твое воспитание, праведниче; разума бо Божия исполнился еси, святыни духа достигл еси, ни от кого же из человек учивыйся; сокровенно было от современников и для них дивно твое в юных летех благочестие и преставление твое. Но чудная твоя исцеления, и различная чудодействия возносят нашя гласы к славословию о тебе Божию, еже непрестанно и радостно пети: Аллилуиа.

Весь был еси в Бозе богомыслием, и укрепляемый Божией благодатию, неприступен явился еси коварному змию, наблюдающему пяту шествующих тесным путем. Руководи убо и нас непреткновенно ходити путем заповедей Христовых, да благодарно вопием ти:

Радуйся, путеводителю наш дивный.

Радуйся, кроткий наставниче всех спасаемых.

Радуйся, персте Божий, указуяй нам горняя.

Радуйся, гласе небесный, зовый всех на подвиги спасения.

Радуйся, чистая голубице, имущая ветвь райскую.

Радуйся, духовная ластовице, показующая в нетлении весну грядущаго века.

Радуйся, предстателю наш, Артемие праведный.

Все естество ангельское, в радостный трепет пришед, воздаде хвалу Богу: свят, свят, свят, Господь Саваоф, егда невинная и чистая душа твоя, неврежденная от многих страхований бесовских, и перенесенная в премирную жизнь, поклонися Триипостасному Божеству, воспевши Ему со всеми святыми: Аллилуиа.

Ветии многословеснии, не могущии усмотрети оком разума, омраченнаго гордостию и страстьми, премудрости творческия в устроении вселенныя, не могут уразумети прославления мощей святаго угодника Божия. Мы же совершенною верою в простоте сердца возглашаем тебе, прославленный молитвенниче наш:

Радуйся, предавый верным в залог любве нетленныя своя мощи.

Радуйся, уверяя нас в истине Воскресения и жизни вечныя.

Радуйся, исполнивый на себе слово Божие: хранит Господь вся кости праведных.

Радуйся, утвердивый исполнением слово Христа Бога: влас главы вашея не погибнет.

Радуйся, с честию принесенный из дебри в православный храм для общаго чествования и поклонения.

Радуйся, свидетелствуемый от Господа Бога даром чудотворений.

Радуйся, яко чистая рака святых мощей, и ныне привлекает сердца обетных страннолюбцев на поклонение тебе.

Радуйся, явивый истину словес Писания: в память вечную будет праведник, и праведник яко финикс процветет, и яко кедр иже в Ливане умножится.

Радуйся, заграждаяй уста пререкающая.

Радуйся, обуздоваяй язык неверия и хулы.

Радуйся, смиряяй гордыню дерзающым на святыню.

Радуйся, разум кичливый пленяяй в послушание Христовой веры.

Радуйся, в дусе блаженныя простоты и незлобия достигнувый неба.

Радуйся, предстателю наш, Артемие праведный.

Спасти хотящаго всякаго человека, искренно молил еси наставити тя на путь спасения, и благодатию Божиею озарившею тя, пришел еси в Небесный Иерусалим, идеже узрев лицем к лицу Того, Егоже имя, яко миро излиянное, тамо воспеваеши непрестанно славу Богу: Аллилуиа.

Стена тверда и несокрушима ограда обители, святому имени твоему посвященней, суть неусыпныя твоя к Богу молитвы, святый праведный Артемие. Темже живущии в ней благодарно возносят к тебе гласы:

Радуйся, хранителю наш крепкий.

Радуйся, неусыпный защитниче наш.

Радуйся, наставников наших охраняяй от пагубных бедствий.

Радуйся, испущаяй на врагов стрелы страха.

Радуйся, щите твердый паче медянаго.

Радуйся, броне правды, отражающая каменометания адских муринов.

Радуйся, обители монахов и всей стране нашей похвало и утверждение.

Радуйся, труждающихся помоще.

Радуйся, молчаливых и кротких радосте.

Радуйся, больных исцеление.

Радуйся, немощных укрепление.

Радуйся, унылых бодросте.

Радуйся, скорбящих утешение.

Радуйся, предстателю наш, Артемие праведный.

Пение наше хвалебное тебе, живущему во славе Отца светов, ныне возсылаемое, недостойно есть, яко от нечистых устен возносимое; но сам прииди посреде нас, неиждиваемый источниче чистоты и целомудрия, очисти наша сердца и души помышления, да тебе ради благоприятно будет совокупное наше восклицание Всещедрому Богу: Аллилуиа.

Светом заповедей Божиих озаренный измлада, скоро возшел еси к Триипостасному свету, пред нимже ходатайствуеши и о нашем просвещении, о немже умоляюще, с любовию вопием ти:

Радуйся, звездо невечерняго света.

Радуйся, луче света, согревающая нашу хладность.

Радуйся, свеще, просвещающая нашу темноту.

Радуйся, яко огнь вогреваяй нас к любви возлюбившаго нас Христа Бога.

Радуйся, мысленно прикасаяйся, яко угль, хладным сердцем.

Радуйся, златая лампадо, возжженная для умилостивления Праведнаго Судии.

Радуйся, светилниче духовный, освещаяй верным путь спасения.

Радуйся, огненная пещь, пожигающая терние грехов наших.

Радуйся, горнило, курящее молитвенный аромат.

Радуйся, кадило издающее дивное смирения благоухание.

Радуйся, горяяй пламеню, истребляяй нечестие.

Радуйся, предстателю наш, Артемие праведный.

Благодать Божественную испроси нам святый угодниче Божий, да присно покрывает нас от врагов видимых и невидимых, да научит ны подражати тебе в чистоте ангельской и незлобии, да направит сердца наша к смирению, покаянию и неослабному исполнению заповедей Христовых; да дарует нам христианскую кончину и безбедно проведет нас чрез воздушный путь, да сподобимся тамо узрети славу великаго Бога, вечно пети Ему: Аллилуиа.

Поюще тебе ныне, аще и недостойныя, но усердныя хвалы бренными и нечистыми усты, благоговейно молим тя, святый праведный Артемие: призри на многия нашя немощи душевныя и телесныя, и подаждь нам помощь к совершению добрых дел, и ко всегдашнему прославлению святаго твоего имени, вопиющым ти:

Радуйся, воине Царя царствующих.

Радуйся, слуго Господа господствующих.

Радуйся, рабе верный Владеющаго всяким созданием.

Радуйся, венчанный венцем нетления от самаго нетленнаго Бога.

Радуйся, украшенный нетленною диадимою Царствия Христова.

Радуйся, облеченный в блестящую порфиру за чистоту сердца и незлобие.

Радуйся, приемый от руки Божия перстень сыноположения.

Радуйся, наследниче Небеснаго Царствия.

Радуйся, предстателю мощный, споборствуяй православному царю нашему на ратующих.

Радуйся, вождю, способствуяй невидимо во бранех нашему воинству.

Радуйся, защищаяй пределы нашего Отечествия твердым щитом твоего покрова.

Радуйся, спасения нашего споспешниче и ходатаю твоими ко Господу Богу о нас грешных молитвами.

Радуйся, предстателю наш, Артемие праведный.

О предивный угодниче Божий и прелюбимый чудотворче, Артемие! Ради милости Божия и предстательства Владычицы, молим твою святыню, милостив буди святей обители твоей, и всем призывающым тя с любовию и упованием. По своей чистоте и праведности, испроси у Господа Бога прощение наших прегрешений и ревность к добрым делом, да прочее время живота нашего поживем во всяком благочестии и чистоте, и сподобимся на страшнем суде одесную стати судии, Христа Бога нашего, и во веки веков с тобою пети человеколюбцу Богу: Аллилуиа.

Этот Кондак читается трижды. Затем читается Икос 1 и Кондак 1.

Молитва Праведному Артемию, Веркольскому чудотворцу

Святый угодниче Божий, праведный Артемие, присный хранителю святыя обители, твоим именем украшенной, и близкий защитниче всего севернаго края Российския страны! Призри милостивно на усердную молитву нас грешных, и твоим благомощным предстательством испроси нам у Господа прощение согрешений наших, преспеяние в вере благочестии, и ограждение от козней диавольских. Моли Господа, страждущую страну Российскую от лютых безбожник и власти их да свободит, и да возставит престол православных царей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, да подаст и всем людем мир, тишину и нелицемерное послушание, да сподобит всех нас получити, по христианской кончине, Небесное Царствие, идеже вси праведнии, вместе с тобою, вечно славят Отца и Сына и Святаго Духа. Аминь.

Оценка 4.1 проголосовавших: 189
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here