Марина нижегородская молитва

Полное собрание и описание: марина нижегородская молитва для духовной жизни верующего человека.

Марина нижегородская молитва

От юных лет избранница Христова явилася еси, спасение прияв от Бога болезнию и скорбьми, сия вся благодушно претерпев до конца, у Престола Владычня достойно со всеми святыми ликовствуеши. Сего ради и мы радостно вопием ти:

Радуйся святая новомученице Марино Нижегородская, изрядная наша заступнице и о спасении ко Христу ходатаице.

Видя красоту души твоея Христос Бог наш, хотя венец твой премного украсити, измлада попусти ти болезнь неизцельную, в ней же и душа твоя очищашася и к Богу в молитве устремляшася, в Нем едином себе покой и радость обретая. Сего ради вопием ти сице:

Радуйся, измлада Богом избранная,

Радуйся, Им от мира суетнаго и соблазнов его сохраненная,

Радуйся, мученице Христова новоявленная,

Радуйся, нивочтоже суетная мира сего вменившая,

Радуйся, себя игу благому Христа покорившая,

Радуйся, в немощи велию силу духа явившая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Неизреченна любовь Отца Небеснаго к нам грешным, даровавшаго нам тебе, новомученице святая Марино, вси знающие тя о любви и милосердии твоих умиляшеся, разпаляющиеся же и дышущие злобою недоумеваху о тебе и сердцем смягчашеся, Богу о чудесе таковом возпеваху хвалу: Аллилуиа.

Хотящу тя спасти Христу Богу нашему, волю свою смиренно покоривше, скорби и болезни многия прияла еси, Марино, в них же и добродетели твоя соблюла некрадомы, умными очами премудро спасение свое от Христа совершаемое зряще, хвалы и песни возносила Ему ликовствуя. Мы же о таковом подвизе твоем радуяся вопием ти:

Радуйся, скорбь и уныние отгоняющая,

Радуйся, хвалу Богу пети научающая,

Радуйся, святых угодников Божиих изрядно почитающая,

Радуйся, Николая Чудотворца и блаженную Матрону Московскую любящая и послушающая,

Радуйся, подвижником святым всей жизнию своею подражающая,

Радуйся, благая безсребреннице ничесоже себе стяжающая.

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Все любящие тя в жизни твоей и узнавшие о тебе после блаженной кончины, на могилку твою прихождаху, такожде и на всяком месте молитвы к тебе усердно возношаху, ты же вся прошения слышиши и ко Престолу Божию приносиши, скорое заступление и помощь темь даруя. Мы же о таковом твоем скором заступлении и поможении вопием Спасу всех: Аллилуиа.

Всю свою жизнь во Христе пресветло милостыней украсила еси, всем нуждающимся нужды изправляя, наипаче же скорбящих и болящих любовию своею согревая и утешая, вящшую милость в век наш злобою обуянный и любовию оскудевший сотворила еси, любовию своею душам во мраке заблудшим путь ко Христу освещая. Мы же радуяся о таковой твоей милости к нам вопием ти:

Радуйся, милостыней ко Престолу Спаса всех возшедшая,

Радуйся, всех своих ближних тако же творити милостыню научавшая,

Радуйся, яко милостыня даже и от смерти верныя спасает и очищает всякий грех прекрасно знавшая,

Радуйся, всем житиемь своим Священному Писанию последовавшая,

Радуйся, кротости и смирения избранный Богом сосуде,

Радуйся, несокрушимый столпе, терпением и любовию козни бесовския сокрушившая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Велию радость возприяла душа твоя, егда с матушкой твоею Людмилою по святым местам путешествовала еси. И многия дивяшеся ти, тако тяжко болящей и ко святыням тако далече путешествовавшей. Ты же вся немощи своя на милость Христову возложиша, радостно вопияла еси Спасу всех: Аллилуиа.

Странное чудо видим о тебе святая Марино, егда в болезни и немощи пребывая; поклоны Господу и Божией Матери до мозолей на коленях полагала еси, святым же угодникам Божиим песнопения и славословия возпевая, велие их заступничество и вспоможение стяжала еси, Божией Матери же Покров и от Господа благоволение. Мы же о таковом мужестве твоем радуяся и любляше тя вопием ти:

Радуйся, все упование на Христа и Божию Матерь возложившая,

Радуйся, во уповании своем никак себя не посрамившая,

Радуйся, и по смерти твоей от нас духом твоим не отступающая,

Радуйся, заповеди блаженства Христовы творити всех нас научающая,

Радуйся, Аллилуиа, Аллилуиа, Аллилуиа, денно и нощно возпевающая,

Радуйся, и нас хвалити Господа всей жизнию своею научающая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Многия скорби и соблазны, шествуя за Христом, верою преодолевала еси, образом стояния в вере многим явилася еси ты. Марино, всех же колеблющихся и нестойких ободряла и в вере утверждала еси, указуя всем на Христа и Ему Единому подвизая пети всех: Аллилуиа.

Службы церковные любляше и о святом Причащении ревнуя, одежды души твоея убелила еси, Кровию Агнца, святая Марино. Ею же и оправдана явилася еси в очах Божиих, яко розга многоплодная добродетельми украсившаяся, ко Христу притекла еси, мы же о таковей твоей мудрости дивляшеся тя ублажаем:

Радуйся, к покаянию всех наставляющая,

Радуйся, заблудших гордых несмиренных кротко и с любовью вразумляющая,

Радуйся, звездо нам путеводная путь ко спасению предивно освещающая,

Радуйся, образе спасения во времена последняя нам немощным являющая,

Радуйся, посмертные явления и вразумления на помощь людям подающая,

Радуйся, прилоги и начертания бесовские смело обличающая и отвергающая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Многия недоумеваху и дивляшеся о тебе, святая Марино, егда в дальний крестный ход со матушкою твоею отправилася еси. Немощь и болезнь свою презирая, ратников же невидимых, возбранявших тебе крепко Христовою Верою посрамляя и низлагая. Веру свою, терпение и кротость явила нам еси, Марино, многих в благоговейный трепет приводя. Мы же о таковых всех подателю благ Христу Богу поем: Аллилуиа.

Крестный ход доблестно скончаше в нем же велия раны на нози твоя прияша, кротко отнесла к Славе Божией и за обращение батюшки твоего Владимира к Правой Вере. Во сне скорое твое отшествие от жизни сей временней возприяла еси, Марино. О сем дивяшеся и недостойною себя помышляше. Яко о некоем даре за мужество твое и веру, дарованном ти возвестила еси. Мы же недоумевающе – како ти похвалу достойную вознести, возпеваем ти тако:

Радуйся, на свой Крест радостно возшедшая,

Радуйся, и на Кресте не роптавшая и до конца пути с онаго не сшедшая,

Радуйся, всю душу щедрую свою за други и за ближняя положившая,

Радуйся, пример служения всем немощным и в нужде сущим явившая,

Радуйся, скупцов и для себя живущих щедростью души своей святой поразившая,

Радуйся, любовь Христом нам возвещенную наполнившая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Многия болезни и скорби в жизни твоей многотрудной претерпела еси Марино, но и велия милости и дерзновения у Бога сподобилася еси, по отшествии из жизни сей временней: недужныя изцеляти, бесы отгоняти, от жизни греховной отвращати, на путь спасения наставляти, безнадежным надежду возвращати, от потворов и чародеяний изцеляти и избавляти, от злохуления и напрасныя смерти, от печати антихристовой, от духа его душепагубнаго, и тайных и явных его прилад избавляти и защищати, и многия непостижимая явная и непознанная чудеса твоя изливаеши на нас недостойных.

Мы же дивяшеся о таковом твоем велием и недомыслимом заступлении вопием Богу всех: Аллилуиа.

Желая мученическим венцем тя увенчати, попусти тебе Господь последнее испытание претерпети, велию болезнь тебе попусти. Ты же прежде ко Христу Богу и Его Пречистей Матери прибегла и ходатайству святых угодников Божиих, о даровании изцеления, ежели же оное Богу угодно буде. Мы же грехми обременении, помрачении и паче на земных врачей уповающия нежели на Небеснаго Врача душ и телес наших воспеваем ти похвалы таковыя:

Радуйся, в болезни тяжцей упование свое на Бога сохранившая,

Радуйся, волею пострадати за Христа возжелавшая,

Радуйся, о смущавших тя в подвизе твоем и ко врачам первее привести хотящим Господа молившая,

Радуйся, нисколько о болезни твоей как промыслительной от Бога посланной не сомневавшаяся,

Радуйся, безстрашно в немощах своих со духами нечистыми сражавшаяся,

Радуйся, на их советы покоритися и ради жизни взять их начертания не сдавшаяся,

Радуйся святая новомучениде Марино Нижегородская, изрядная наша заступнице и о спасении ко Христу ходатаице.

Видя твое терпение и непоколебимую веру завистник древний, подвигнув на тя родные твоя и мнимого старца некоего, давшаго ти благословение взять медицинский душепагубный полис. Его же увещание тя в велие смущение приведоша, воли же родителей смиренно покоришася, ко врачам пришла ибо сие; временно попущено ти бысть испытание. Ты же Единому Богу о вразумлении вопияла еси: Аллилуиа.

Кто возможет изрещи борения твоя сердечная, егда на одре болезни себя почуяла еси Богом оставленной и умирающей. в покаянии же слезном воззвала еси ко Христу и ко Пречистей Его Матери. Бог же молитвы Матери Своея и твоя прияша и тя простиша, повелел ти разтерзати полис бесовский. Мы же, о таковом милостивом Промышлении о тебе Бога всех вопием сице:

Радуйся, у врачей безбожных лукавый полис разтерзать потребовавшая,

Радуйся, от них же в буиею не от мира сего падшаго вмененная,

Радуйся, повеление Божие покорно же и радостно исполнившая,

Радуйся, печать антихриста с числом его имени в полисе сокрытым разтерзавшая,

Радуйся, и нам отважно Веру Православную исповедати пример подающая,

Радуйся, горячей покаянною молитвою у Господа прощение испросившая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Егда же из больницы исхождаше велия радость тя объяла и слезы изтекаху из очес твоих. Ты же ведая яко велия радость на небеси о единем грешнице кающемся бывает, чудно рукою Божиею водимая в споможении матушки твоей к дому родительскому притекла еси, радостно Богу вопия: Аллилуиа.

Войдя же в дом родителей твоих и вельми матушку свою твоим терпением удивиша. Силы же тя телесныя внезапу оставиху и на одре болезни тяжцей дни своя скончавая, покаяние же не оставляла еси. Силы же на некоторое время возвращахуся к ти. Ты же снедь к поминовению своему приготовляя, родители своя мужеством своим удивляла еси, нам же образ веры и терпения подавая, подвизавши пети ти сице:

Радуйся, пламенем любви к Богу и людям возженная,

Радуйся, забота о нас и по смерти твоей проявленная,

Радуйся, Благодатию Божией просвещенная и укрепляемая,

Радуйся, агница Божия даже пред угрозою смерти неминуемой несгибаемая,

Радуйся, исповедница веры непоколебимая,

Радуйся, стено для антихриста и слуг его несокрушимая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Тихо и кротко страдания предсмертные терпя сподобилася еси в сонном видении зрети Христа Спаса нашего за день до блаженной кончины своей святая Марино, тем же и мы вопием Всемилостивому Спасителю нашему: Аллилуиа.

Кто имеет очи да видит, имеющий разум да разумеет, яко блаженна кончина твоя и отшествие твое от жизни сей свято. Яко рекла еси матушке своей: «Сейчас аз пойду. ». Матушка же твоя недоумевая, куда ты можеши пойти, яко нози твои ходити не могоша, и вся члены твоя поразиша болезнь. Дух же твой от немощнаго сего телеси разрешения ожидаша, встречи с Богом вожделел еси. Мы же недостойнии вопием ти похвалы сицевыя:

Радуйся, Царствия Небеснаго паче всего суетнаго и тленнаго возжелавшая.

Радуйся, от Христа по сердцу своему мзду велию и неизреченную получившая,

Радуйся, немощь телесную на Силу Сильнаго применившая,

Радуйся, достойно и праведно на земли пожившая,

Радуйся, богатств и славы мира не искавшая,

Радуйся, на Господа и Божию Матерь все надежды свои возлагавшая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

Велия скорбь объяша родители твоя и вся тя знающая, егда во гробе тя зряще недоумевали уже отшедшую от жизни сей и о тебе велия слезы пролияше. Ты же о всех молитися от Христа Бога дерзновение велие прияла еси, воспеваеши и ныне Христу Богу: Аллилуиа.

Велие чудо видим о тебе, блаженная Марино, егда некий похоронный агент безъ вызова в дом твой явися и услуги своя предложиша. Матушка же твоя в велией скорби и печали не разумеша, яко помощь с небеси низпослана ей от Христа бысть, дабы помочь погребсти угодницу Божию в достойном месте. Мы же таковое чудо разумея о тебе, вопием ти таковая:

Радуйся, по смерти помощию своею нас не оставляющая,

Радуйся, Царя царствующих за нас, за грешных, умоляющая,

Радуйся, милости Божии на нас непрестанно изливающая,

Радуйся, всех верных православных во исповедании Веры утверждающая,

Радуйся, все козни вражии молитвою своею разрушающая,

Радуйся, из одержимых бесов изгоняющая,

Радуйся, святая новомученице Марино Нижегородская, изрядная наша заступнице и о спасении ко Христу ходатаице.

в сонном видении сестре своей маловерной явишася для укрепления веры и облобызаша ю, велию радость души ея принесла еси, Марино. к Богу сестру свою направляя и спасения ей желая, молитися о ней и о семье ея обещавалася. Некоему же рабу Божию, новый документ душепагубный имеющему, в сонном видении явилася еси, на сороковой день преставления твоего в одеждах блистающихся, наставляя его к молитве сугубой покаянной. Мы же о таковых твоих вразумлениях вопием Спасу всех: Аллилуиа.

Велия чудеса и милости явлены бысть нам тобою, Марино. Егда молитвами твоими обретаху неимущие себе милость, чудесную помощь и благопотребное. Возвращавшиеся же со святой могилки твоей и изпросившие твоего благословения на обратный путь, чудесно доставлены быша в место свое. Уловленные же в сети антихриста от сетей сих по молитве к тебе разрешишася. Дети малолетние от отца пияницы биенные, тобою от побоев чудесно избавишася. Прочия же вся чудеса твоя неизчислимыя явленныя же и неявленныя невозможем перечислити мы недостойнии. Сего ради вопием тебе верно:

Радуйся, всех притекающих к твоему предстательству утешающая,

Радуйся, на путь спасения заблудших возвращающая,

Радуйся, коварныя антихристовы сети яко паучину разтерзающая,

Радуйся, и нас творити такожде безстрашно научающая,

Радуйся, ничесоже боятися нам со Христом помогающая,

Радуйся, всех избавлятися от чисел зверя пагубных пока не поздно вразумляющая,

Радуйся, святая новомученице Марино Нижегородская. изрядная наша заступнице и о спасении ко Христу ходатаице.

О предивная и преизрядная угоднице Божия, новомученице Святая Марино. Велию Веру непоколебимую нам явила еси и образ покаяния и спасения во времена последняя. Благомощными молитвами твоими ко Господу Спасу, огради нас недостойных и все малое стадо Христово от лютых волков вражиих и от злохитрых сетей богомерзкаго антихриста, его же ты стояще в Вере до конца, крепко победила еси. Мы же о таковей славе твоей радующеся молим тя недостойнии приими малое моление сие наше и ко Престолу Владыки принеси, да дарует нам грехов прощение, в Вере Православной твердое стояние и исповедание, Царство Православное с Царем Богом избранным и вечное спасение, да купно вопием Богу вси: Аллилуиа.

Сей Кондак читай трижды, а затем Икос 1 и Кондак 1

О предивная мученице и исповеднице новейших времен Марино великоименитая, скорая наша помощнице и заступнице, и неусыпная о нас молитвеннице! Предстояще чистому образу твоему и тя яко живу сущу зряще, припадающе молимся тебе: приими прошения наша и принеси я ко Престолу Милосерднаго Отца Небеснаго, яко дерзновение к нему имущая; испроси притекающим к тебе и всем православным христианам вечное спасение и временное благоденствие, наипаче же от похищения у православных христиан имен Богом данных, от нанесения злочестиваго богохульнаго номера на православных христиан, от злохуления, колдовства, волшебства, чародейства, от злохитрых сетей антихристовых, от всякаго зла и страхования и от всяких бед и скорбей избавление. Ей, чадолюбивая заступнице наша, тебе, предстоящей Престолу Божию, ведомы нужды наша духовныя и житейския, призри на ны милостивым твоим оком, и твоими молитвами отврати от нас колебания всяким ветром учения, злых и богопротивных обычаев умножение; утверди же во всех веры согласное ведение, взаимную любовь и единомыслие, да всем, и Его словесы и писании, и делами, славится среди нас Всесвятое Имя Отца, и Сына, и Святаго Духа, Единаго Бога, в Троице поклоняемаго. Ему же честь и слава во веки веков. Аминь.

Тропарь новомученице Марине Нижегородской, Глас 6-й

Радуйся святая мученице Мариино, / исповеднице новейшая времен последних, / змия верою Христовой победила еси, / и Царство Небесное наследовала еси, /моли непрестанно Христа Бога, да прегрешений оставление подаст душам нашим, / и да спасет во времена последняя.

За любовь Господню святая мученице Мариино, / покоя желание возненавидела еси, / пощением дух твой просветивши, мучение безкровное ради Христа радостно восприяла еси, / крепко бо зверя стоянием в вере победила еси, / но молитвами твоими противных шатания разори.

Величаем тя, / святая мученице (Мариино), / и чтим честная страдания твоя, / яже за Христа претерпела еси.

Дни памяти: день ангела – 17/30 июля, день упокоения 4/13 октября.

Источник – Православный информационно-аналитический портал “Москва – Третий Рим”

Новомученица Марина Нижегородская (Давыдова)

Марина Владимировна Давыдова родилась в г. Нижнем Новгороде 14 октября 1975 г. в семье рабочего. Отец ее Владимир был ей хорошим примером смирения и кротости, а мать Людмила дала начальные наставления в православной вере. С 10 лет Марина тяжело заболевает сахарным диабетом, далее инвалидность и слепота. Один глаз ослеп полностью, а другой – минус 8. Болезнью Господь приводит Марину к вере настоящей, живой, с самоотдачей себя в жертву Богу и ближнему. Именно в вере раскрывается красота ее души – милосердие, кротость, любовь к Богу и ближнему, сострадание и доброта к страждущим. Были падения и грехи, но душа ее просвещенная Божией благодатию светила людям. О своих грехах Марина сокрушалась, и плакала, приносила покаяние Господу.

Несмотря на тяжкую болезнь Марина соблюдала все посты, полагала поклоны до мозолей на коленях, каждый день читала Евангелие, Апостол, Псалтирь. Когда были обострения болезни, и было особенно тяжко, молилась по четкам. Каждый день совершала Богородичное правило (150 молитв «Богородице, Дево, Радуйся. »).

Тропари святым, иконы которых находились в ее келье, и особо ею почитаемых святых читала и пела каждый день.

Читала молитвы и тропари при помощи лупы. При всех ее болезнях была необычайно жизнерадостной, милостивой, очень любила людей, готова была отдать ближнему последнее.

Во время обострения болезни, которая усугубилась после крестного хода, Марина отреклась от медицинского полиса, который благословил ей некий «старец», тем самым, введя ее в искушение. «Я все равно умру, но лучше я умру с Богом», – сказала Марина врачам, находясь уже в больнице в тяжелом положении, и потребована уничтожить полис, что и было исполнено. После этого чудесным образом она дошла из больницы до своего дома. Зная, что скоро умрет, Марина готовилась: каялась в своих грехах, ее часто причащали Святых Христовых Тайн, сама приготовляла снедь для своего поминовения. Проболев несколько недель, Марина отошла ко Господу. (4/17 октября 2002 года).

Из предложенных ей хлеба и Божьего креста, она выбрала страдания и крест.

Марина нижегородская молитва

Избранней Богом от языческаго рода, премудрой невесте Христовой, града Антиохии заступнице небесней, благодарственная восписуем ти, молитвенницы твои, святая и многострадальная великомученице Марино. Ты же, имущи дерзновение ко Господу, от всяких бед, зол и болезней свобождай нас, с любовию зовущих: Радуйся, великомученице Марино, невесто Христова всехвальная.

Ангелов Творец, ведый благое произволение твое, святая мученице, яви тя за веру Христову непобедиму страстотерпицу. Ты бо добротою телесе и красотою души просияла еси в дому отца твоего идолослужителя, обаче, светом благодати просвещенная, веру истинную познала еси, отеческое нечестие отринувши. Мы же, дивящеся таковому о тебе Божию смотрению, во умилении сердец зовем ти: Радуйся, отроковице, Богом избранная; радуйся, от юности добродетельным житием украшенная. Радуйся, измлада суету жизни земныя презревшая; радуйся, истинную мудрость возлюбившая. Радуйся, крине девства, посреде терния языческаго возращенная; радуйся, от малых лет благодатию свыше осененная. Радуйся, святое целомудрие и девство добре сохранившая; радуйся, во образ христианским девам свыше пронареченная. Радуйся, Христа всем сердцем возлюбившая; радуйся, вольная страдания за имя Его претерпевшая. Радуйся, Церкве Православныя пресветлое украшение; радуйся, яко имя твое во всем мире христианстем прославляется. Радуйся, великомученице Марино, невесто Христова всехвальная.

Видя благолепие лица твоего, людие дивляхуся, не ведяще красоты души твоей. Ты же, святая дево, мира многомятежие отвергши, к горнему возвела еси ум твой и возжелела еси венцем мученическим украситися от возлюбленнаго тобою Жениха Христа, воспевающи Ему радостно песнь: Аллилуия.

Разум твой, не просвещен еще святым крещением, святая Марино, просвети Господь, научая тя славити Единаго и Истиннаго Бога, нечестивый же родитель твой отречеся от тебе, но не возможе отторгнути от веры истинныя, в нейже ты непоколебима пребывала еси. Темже и нас в добродетелех веры и любве укрепи, зовущих ти: Радуйся, нрав ангельский от младенчества стяжавшая; радуйся, от юности всю себе Богу предавшая. Радуйся, благоухание добродетелей от юности возлюбившая; радуйся, красотою души и телесе многих удивившая. Радуйся, девственнице, юным девам незримая помощнице; радуйся, рода христианскаго украшение. Радуйся, истины Царствия Божия уразумевшая; радуйся, свыше избранная на подвиг исповедания Христа. Радуйся, благочестие в себе воспитавшая; радуйся, идольскаго служения прелесть обличившая. Радуйся, блаженная, земным отцем за веру Христову гонимая; радуйся, Небеснаго Отца дщи честная. Радуйся, великомученице Марино, невесто Христова всехвальная.

Силою свыше препоясанная, возмогла еси победити искушение, егди гонитель христиан епарх Олимврий удивися красоте твоей и возжела взята тя в жены, словесы ласкательными убеждая тя принести жертву идолом. Ты же, славу мира сего презревши, исповедала еси себе христианку и отвергла еси жениха земнаго, Жениха безсмертнаго, Жизнодавца Христа, взыскующи. Таковому дерзновению твоему дивящеся, воспоем укрепившему тя Господу песнь: Аллилуия.

Имущи в сердце своем твердую веру во Христа, яко овча на заколение, привелася еси мучительскому судищу, Марино преславная, идеже дерзновенно Вседержителя всех Бога проповедала еси пред народом и, силою Божественною укрепляема, судей нечестивых посрамила еси. Приими убо от любве нашея приносимыя тебе похвалы: Радуйся, многобожия лесть обличившая; радуйся, истинныя веры поборнице. Радуйся, от юности идолослужение презревшая; радуйся, истинное богопочитание даже до смерти возлюбившая. Радуйся, кроме Небеснаго иного жениха знати не восхотевшая; радуйся, соблюдшая чистоту девства твоего. Радуйся, замыслы мучителя твоего Олимврия разсеявшая; радуйся, гнева его не убоявшаяся. Радуйся, голубице кроткая и страдалице Христа ради; радуйся, Сыном Божиим призванная в чудный свет веры и благодати Его. Радуйся, добродетельным житием своим сосуд Духа Святаго соделавшаяся; радуйся, звездо светозарная, во Антиохии Богом возжженная. Радуйся, великомученице Марино, невесто Христова всехвальная.

Бурею ярости одержим, безумный мучитель повеле тело твое лютым мукам предати, тогда оружие врага изнеможе и кровьми твоими земля освятися. Ты же, дболественне претерпевши муки злыя, взирающи на воздаяние будущее и возмогающи вся о Господе, со умилением взывала еси укрепившему тя Христу Богу: Аллилуия.

Слышав от тебе нечестивый мучитель мужественное исповедание веры Христовы, заключи тя в темницу, идеже сам князь тьмы во образе змия явися, хотя устрашити тя. Ты же, дево чистая, непобедимою силою Креста укрепляемая, ополчение самаго диавола отразила еси и благодать прияла еси отгоняти духи нечистыя и силу вражию сокрушати. Сего ради и мы, слышавше, како посрамися диавол, от девы побеждаем, радостно вопием ти сице: Радуйся, неправедному судищи дерзновенно представшая; радуйся, христианку себе исповедавшая. Радуйся, всемощную силу благодати Христовы познавшая; радуйся, злобы неверных не устрашившаяся. Радуйся, святая дево, мучителей своих посрамившая; радуйся, паче сильных мужей крепчайшая. Радуйся, темничное заключение Христа ради претерпевшая; радуйся, силою Креста главу диавола сокрушившая. Радуйся, во плоти сущи, безплотнаго врага поправшая; радуйся, козней диавола победительнице. Радуйся, истинная Христовых Страстей причастнице; радуйся, яко мзда твоя многа на Небесех. Радуйся, великомученице Марино, невесто Христова всехвальная.

Боготечней звезде подобна была еси, Марино, егда, в темнице заключенная, ликующи славословила еси Христа, Жениха своего. Сего ради удостои тя Господь дивнаго видения Креста и голубицы и исцели тя от всех ран, радость даруя и на новый подвиг укрепляя. Темже молим: уврачуй раны греховныя всех любовию чтущих тя и воспевающих Богу: Аллилуия.

Видя епарх Олимврий святую Марину, изведену из темницы, здраву и светлу, разъярися злобою и паки предаде ю на муки, повелев пригвоздити на древе и свещами горящими палити тело ея. Обаче огнь вещественный не возможе изнурити тя, святая отроковице, огнем бо любве Божественныя озаряема и трием отроком подобящися, попрала еси огнь сей. Темже нестерпимаго огня вечнаго избави всех чтущих тя и воспевающих тако: Радуйся, кровию своею торжество веры истинныя утвердившая; радуйся, яко Сам Господь свыше призре на твоя страдания. Радуйся, в темнице дивнаго видения сподобившаяся; радуйся, честный Крест Господа твоего узревшая. Радуйся, язвы Христовы на теле твоем носившая; радуйся, от всех язв тех Господем исцеленная. Радуйся, на подвиг мученичества свыше укрепленная; радуйся, Божественным светом осиянная. Радуйся, огнем земным Христа ради опаленная; радуйся, Божественным огнем сердца наша возжигающая. Радуйся, велиара лютаго победившая; радуйся, яко силы адския трепещут славы твоея. Радуйся, великомученице Марино, невесто Христова всехвальная.

Проповедница чудес и славы Божия явилася еси, великомученице Марино, егда вверже тя в воду мучитель, повелев утопити тя связану. Тогда дарови Господь знамение всему народу: возсия над главою мученицы свет несказанный, явися столп огненный с крестом и белая голубица с венцем златым. И бысть глас свыше, глаголяй: мир тебе, невесто Христова Марино, ныне же приимеши венец неувядаемый от руки Господни и почиеши в Царствии Небеснем. Сего ради мы прославляем Бога, давшаго тебе благодать таковую, и поем Ему: Аллилуия.

Возсияла еси, яко светозарная звезда, и Божественною благодатию отгнала еси многобожия тьму, святая Марино, просветивши многия люди, иже видеша чудеса Божия, на тебе явленная; тогда великое множество мужей и жен увероваша во Христа и мученическую кончину прияша, крестящеся кровию своею. Просвети и нас, о Марино, омраченных мглою греховною, и светом невечерним озари тя славящих и поющих ти таковая: Радуйся, в страданиих, яко злато в горниле, очистившаяся; радуйся, твердейшая адаманта в терпении твоем показавшаяся. Радуйся, языческое служение поправшая; радуйся, силу Божию пред нечестивыми проповедовавшая. Радуйся, светом Божественным души собравшихся озарившая; радуйся, к вере истинней многих приведшая. Радуйся, предивная поборнице веры Христовы; радуйся, путеводная звездо всем ищущим спасения. Радуйся, страдании своими ко Христу людей возводящая; радуйся, чудес Его проповеднице. Радуйся, огнем ревности по славе Божией горевшая; радуйся, непорочная голубице, возлетевшая в Небесныя обители. Радуйся, великомученице Марино, невесто Христова всехвальная.

Хотящим нам прославите подвиги твоя и чудеса, великомученице преславная, воспоминаем слова псалмопевца, иже древле, Духом Господним озаренный, пророчески пояше: пройдохом сквозе огнь и воду, и извел еси ны в покой. Ты же, святая Марино, делом сие исполнила еси, яко огнем и водою искушена была еси, и, врага невидимаго поразивши, вошла еси в чертог Небесный со Христом, Женихом твоим, поющи Ему: Аллилуия.

Яко новое светило на тверди небесней, возсияла еси всему христианскому роду, святая страдалице Марино, егда, во главу усеченная, душу свою предала еси Христу, Жениху твоему. Темже мы, благоговейне воспоминающе страдания и подвиги твоя, с любовию зовем ти сице: Радуйся, веру, надежду и любовь до конца сохранившая; радуйся, смерти телесныя не устрашившаяся. Радуйся, радостно за Главу Церкве, Христа, под меч главу свою приклонившая; радуйся, венец славы из рук Господа приявшая. Радуйся, яко, мучения твоя зряще, множество людей к Богу обратишася; радуйся, твоя бо кончина просвети умы помраченныя. Радуйся, сквозе огнь и воду мучений в покой небесный вшедшая; радуйся, струй милости верным изливающая. Радуйся, во успении твоем многая и великая чудеса сотворшая; радуйся, цветом неувядаемым украшенная на Небеси. Радуйся, премудрая евангельская дево, светильник горящий имущая; радуйся, к мученическому воинству сопричтенная. Радуйся, великомученице Марино, невесто Христова всехвальная.

Странствие земное совершивши и путь мученический прошедши, страстотерпице святая Марино, водворилася еси в Царстве Света, обаче люди, с любовию тебе молящияся, не оставила еси, прияла бо еси благодать побеждати врага рода человеческаго и многия недуги душ и телес наших врачевати. Темже благодарно тя славим и Богу, тя возвеличившему, поем ангельскую песнь: Аллилуия.

Вся Небесныя силы возрадовашася, воспевающе Бога, даровавшаго тебе, святая Марино, таковое мужество и непоколебимую твердость во исповедании веры Христовы. Тем и по смерти честное тело твое, нетленно сохраненное, положено бысть Божиим изволением во граде Антиохии, источающе обилие чудес с верою к твоему заступлению прибегающим и молитвенно тебе взывающим: Радуйся, нетлением мощей славно от Бога возвеличенная; радуйся, яко мощей твоих демони трепещут. Радуйся, яко честныя мощи твоя во граде Антиохии многими чудесы прославишася; радуйся, теми бо и великий Царьград освятися. Радуйся, яко честныя мощи твоя доныне Господь сохрани в земли Италийстей; радуйся, яко благоволи Бог пренести десницу твою на Святую Гору Афонскую. Радуйся, всех православных христиан заступнице; радуйся, радости нам и благодати вечныя ходатаице. Радуйся, преславная чудотворице; радуйся, огнем молитвы стрелы вражия попаляющая. Радуйся, беды и печали от любящих тя отгоняющая; радуйся, всем призывающим тя скорую помощь подающая. Радуйся, великомученице Марино, невесто Христова всехвальная.

Вси правовернии людие российстии проповедуют благодатную твою помощь стране нашей, от лет бо древних и до ныне отцы и матери нарекают именем твоим дщерей своих, и лика твоего изображения чудесы прославишася в церквах наших. Темже тя по долгу ублажающе, поем тобою чудодействующему Богу: Аллилуия.

Ветии мира сего не возмогут по достоянию восхвалити страдания и добродетели твоя, великомученице Марино. Темже и мы, недостойнии, воспети желающе Владыку и Жизнодавца, давшаго тебе крепость самаго диавола не убоятися и мучителей победити, молим тя, призри на сие воздыхание сердец наших и неотступна буди нам помощница, вся благая дарующи предстательством твоим всем поющим тебе тако: Радуйся, дево, райскою красотою сияющая; радуйся, лилие благоуханная, благодатию Божиею возращенная. Радуйся, страстотерпице, вся узы и сети врага растерзавшая; радуйся, маслино благоплодная, елей милости обильно нам источающая. Радуйся, храме непорочности и чистоты; радуйся, о спасении грешных теплая ходатаице у Отца Небеснаго. Радуйся, сущим в темницах и узах утешительнице; радуйся, людем, за Христа пострадавшим, путь к Небу показавшая. Радуйся, на духи нечистыя власть от Господа приемшая; радуйся, в напастех вражиих ко Христу Богу прибегати нас научающая. Радуйся, недугов лютых прогонительнице; радуйся, болезней неисцельных целительнице. Радуйся, великомученице Марино, невесто Христова всехвальная.

Спасти хотя всех, благоизволи Господь святыя мощи твоя, великомученице Марино, сохранити во утешение всем верным, яко, от Востока возсиявши, ныне в странах Запада просвещавши всех чтущих тя и припадающих к цельбоносным мощем твоим, да твоими чудесы и молитвами пробуждаются людие от жизни греховныя к жизни святей, воспевающе Творцу своему и Богу: Аллилуия.

Стеною молитв твоих, великомученице Марино, сохраняй страну нашу Российскую, и вся верныя, в ней живущия и подвизающияся, путем правым во Царствие Небесное руководи, зане дадеся тебе благодать молитися о людех православных не токмо земли Греческия, но и во всех странах христианских. Сего ради и от нас с любовию приносимое благодарное славословие приими: Радуйся, яко тобою имя Христово в мире прославляется; радуйся, яко тобою вернии благ вечных сподобляются. Радуйся, се бо Ангели с тобою ликуют на Небеси; радуйся, яко и человецы восхваляют тя на земли. Радуйся, всех православных на путь спасения направляющая; радуйся, грешных на покаяние наставляющая. Радуйся, от людей российских с любовию прославляемая; радуйся, о стране нашей пред Богом и Пресвятою Богородицею ходатаице. Радуйся, девам и женам российским помощнице милостивая богодарованная; радуйся, о всех людех земли нашея молитвеннице усердная. Радуйся, любящим тя святою любовию воздающая; радуйся, с Царицею Небесе и земли о всем мире молящаяся. Радуйся, великомученице Марино, невесто Христова всехвальная.

Пение Единому и Истинному Богу принесла еси, Марино, не точию словом, но вольным себе в жертву принесением; подражающи бо распятому за ны Христу, положила еси душу свою за веру истинную и возлетела еси, яко голубица, во обители Небесныя крилами чистоты и любве Божественныя. Ныне же со Ангелы и всеми святыми радующися, воспеваеши Человеколюбцу Богу победную песнь: Аллилуия.

Возсиявши нам, яко звезда многосветлая, мрак демонский твоими молитвами отгоняеши, святая великомученице Марино; темже молим ти ся: омраченная страстьми сердца наша просвети и благодать Божественную подаждь, испроси нам грехов оставление у Всемилостиваго Бога, яко да верою, радостию духовною и любовию зовем ти: Радуйся, Церкве Христовы пресветлая звездо; радуйся, светильниче, мир озаряяй. Радуйся, в немерцающем свете душею пребывающая; радуйся, яко паче лучей солнечных благодатию просияла еси. Радуйся, яко светом невещественным души просвещаеши; радуйся, яко заблуждших на путь истины наставлявши. Радуйся, пред Престолом Господним лампадо неугасимая; радуйся, озарившая всю вселенную светом подвига твоего. Радуйся, всесветлая, благодатию, яко ризою света, облеченная; радуйся, Трисиянным светом озаренная. Радуйся, свеще, Богом возжженная; радуйся, яко зриши ныне свет неизреченный. Радуйся, великомученице Марино, невесто Христова всехвальная.

Благодатию исполняется обитель Ватопедская, имущи сокровище неоскудное, десницу твою, великомученице Марино, от неяже миро Божественное исцелений миру источается, и отгоняются демонстии полцы призывавшем имене твоего святаго. Темже и нас, память твою светло празднующих, благодати исполни молитвами твоими, да воспоем вкупе со святогорцы чудес подателю Богу: Аллилуия.

Поюще Бога, дивнаго во святых Своих, ублажаем тя, невесто Христова и великомученице Марино, почитаем страдания твоя, славим долготерпение и непобедимое мужество, хвалим мученическую кончину твою. Ты бо на земли силою Божиею победила еси сатану, явльшагося пред очима твоима, ныне же, предстоящи Престолу Царя Славы, молися о нас, да избавит Господь от действа диавольскаго и от всяких бед чтущих святую память твою и воспевающих сице: Радуйся, благодатию Божиею прославленная; радуйся, в дому Отца Небеснаго обитель себе сотворившая. Радуйся, Христу, Жениху твоему, спострадавшая; радуйся, блаженства святых удостоенная. Радуйся, дев христианских украшение; радуйся, горняго мира достойная обитательнице. Радуйся, исповеднице веры во Христа неустрашимая; радуйся, с мученики и всеми святыми ликовствующая. Радуйся, угоднице Божия, житию великих святых сопричастнице; радуйся, яко со всеми избранными Божиими присно торжествуешь. Радуйся, на Небеси со дерзновением Богу предстоящая; радуйся, дивная всем православным христианом помощнице. Радуйся, великомученице Марино, невесто Христова всехвальная.

О предивная и чистая голубице, святая великомученице Марино, невесто Христова всехвальная, приими сие малое моление от любящих тя и благоприятными твоими к Богу молитвами от враг видимых и невидимых избави, от всяких болезней душевных и телесных свободи и от вечнаго мучения твоим ходатайством сохрани, да сподобимся с тобою в райских селениих воспевати Богу победную песнь: Аллилуия.

(Этот кондак читается трижды, затем икос 1 и кондак 1)

Оценка 4.3 проголосовавших: 99
ПОДЕЛИТЬСЯ

ОСТАВЬТЕ ОТВЕТ

Please enter your comment!
Please enter your name here